Miniera e vdekjes në Bulqizë, humb jetën një tjetër minator

21 Maj, ora 16: 16 - Viktimat në minierat e kromit në pellgun e kromit Bulqizë-Martanesh, nuk kanë të ndalur. Sot është shënuar viktima e rradhës, e nënta brenda pak muajsh dhe një një minator ka gjetur vdekjen duke punuar në hyrje të pusit nr 2.Xh. Lamkaj, O.Zhupa Mer, 21 Maj 2008 15:52:00Viktimat në minierat e kromit në pellgun e kromit Bulqizë-Martanesh, nuk kanë të ndalur. Sot është shënuar viktima e rradhës, e nënta brenda pak muajsh dhe një tjeter minator ka gjetur vdekjen duke punuar në hyrje të pusit nr 2.Minatori që ka gjetur vdekjen në këtë aksident është Nevruz Gjoka, 43 vjeç. Ndërsa mësohet se shembja ka plagosur rëndë edhe dy të tjerë, nderkohe qe njëri nga minatorët që ngeli nën masivin e kromit ka arritur të mbijetojë dhe është nxjerrë prej andej i gjallë pas 30 minutash kërkimi nga banorët e tjerë dhe policia. Plagët e marra kishin qenë të rënda por fatmirësisht nuk i kanë marrë jetën. Tre të plagosurit janë dërguar në spitalin e Bulqizës dhe mjekët nuk kanë dhënë asnjë deklarim për jetën e tyre. Nuk dihen ende rrethanat e aksidentit të ndodhur në pusin numër 2 të minierës së Bulqizës ku firma Çeka ushtron aktivitet të licencuar.PrecedencaHaki Kotja nga Batër Martaneshi ka vdekur para një muaji aksidentalisht në frontin e punës i zënë nga një masiv i rënë përsipër tij dhe ndodhet në morgun e spitalit të Burrelit. 42 vjecari kishte vite që punonte në një nga minierat e Batër Martneshit, sektor ky i privatizuar.Po në njërin prej këtyre sektorëve të privatizuar para dy muajsh u shënua dhe një vdekje tjetër nga radhët e minatorëve, kur vdiq 35 vjeçari Përparim Haslika banor po në Krastë të Martaneshit. Edhe ai u zu brenda në galeri nga një masiv material kromi ndërsa po punonte aty. Sipas minatorëve kushtet e punës në shumë prej galerive të tilla janë krejtësisht të papërshtatëshme duke qenë dhe burim aksidentesh të vijueshme. Janë rreth 35 sektorë të privatizuar që nga viti 1994 në këtë zonë, ndërsa mungojnë kontrollet sistematike për të vëzhguar kushtet dhe sigurinë në punë, kur privatët janë të interesuar vetëm të nxjerrin nga thellësitë e nëntokës sa më shumë mineral kromi. Edhe para disa vitesh në një minierë të tillë në Klos të Burrelit, po nga mungesa e kushteve të sigurisë në punë gjeti vdekjen një minator. Duket se këto "zgafella" të privatizuara për shfrytëzim minieralit të kromit, janë kthyer në gropa vdekjeje të vazhdueshme për banorët e këtyre anëve të cilët futen duke punuar në kushte të pasigurta për të ushqyer familjet e tyre të varfëra. PS: Miniera e Bulqizës “Shpellë vdekje”“Shpella e vdekjes”, -kështu e ka cilësuar kryetari i Partisë Socialiste Edi Rama minierën e kromit në Bulqizë, e cila ka marrë jetën e shumë minatorëve. Kryesocialisti ka akuzuar disa herë qeverinë se me paaftësinë e saj për të menaxhuar situatën në këtë minierë, vazhdon ende të marrë jetë njerëzish. “Shpella e vdekjes vazhdon në mënyrë sistematike, të marrë jetë njerëzish, të lërë fëmijë jetimë, të lërë nëna të veja, sigurisht, pa asnjë mbështetje tjetër serioze financiare dhe pa asnjë garanci për të ardhmen e fëmijëve.Ndërkohë që ne besojmë, se është e paperceptueshme, që komunitetet që jetojnë aty ku gjenden këto pasuri, me të cilat bëhet biznes shumë fitimprurës, të mos kenë asnjë të drejtë mbi ato pasuri. Përveçse të jenë të shndërruar në një komunitet skllevërish, burra që ndahen çdo ditë në mëngjes me fëmijët e tyre, me idenë se nuk do të kthehen më dhe një komunitet skllavesh gra, të cilat presin me dorë në zemër nga dera nëse do të vijë apo jo babai i tre, katër, pesë apo gjashtë fëmijëve”, - u shpreh Rama. Gjithashtu ai nuk ka nguruar ta etiketojë atë që po ndodh prej disa muajsh në këtë minierë si pasojë e keq qeverisjes së politikës së vjetër qoftë kjo e djathtë apo e majtë. “Me rrogën mjerane të kësaj pune hipur në shpinën e vdekjes, mbahet gjallë fryma e mijëra e mijëra fëmijëve të Bulqizës, por që për Sali Berishën si përfaqësues i politikës së vjetër dhe qeverisë së tij është një shprehje gjeografike dhe nuk është një realitet ku jetojnë njerëz”, - ka thënë para një muaji kur në këtë minierë humbi jetën minatori Njazi Balliu, kryesocialisti Rama.Topi para një muaji në Bulqizë: Do të përmirësojmë kushtetBULQIZË- Minatorët në Shqipëri do të kenë një status të mirëfilltë që do t'i mbrojë nga aksidentet e shumta në punë por edhe nga kushtet e këqija dhe pagat e ulëta. Premtimi është bërë vetëm para një muaji nga presidenti i republikës Bamir Topi, i cili ka vizituar "minierën e vdekjes". Por viktimat përsëriten megjithë premtimet e qeveritarëve.Miniera, mundësia e vetme e punësimit në zonëMiniera është e vetme mundësi punësimi në zonën e Bulqizës. Por vdekjet zinxhir, muaj pas muaji, duket se nuk kanë të sosur në Bulqizë, edhe pse ka pasur protesta të vijueshme për rritjen e sigurisë në punë, dhe kur kjo minierë për disa muaj qëndroi e mbyllur për t’i plotësuar këto kushte, por gjërat nuk po ndryshojnë, për më tepër të ndalen aksidentet permanente. Edhe pse ngjet vdekja e nëntë, ende nuk ka asnjë të ndëshkuar nga gjyqësori shqiptar për këto tragjedi të kthyera në ritual normal në Bulqizë!...

BULQIZA LIVE

BULQIZA LIVE http://bulqizalive.forumotion.com/portal.htm hapsira e te gjithe shqiptareve. RTV, Gazeta, Shkarkime, Forum etj. Mos ngurroni te anetaresoheni.Bashkohuni tek Bulqiza Live. Bashkimi ben Fuqine

DEKLARA E PAVARESISE

DEKLARA E PAVARESISED

uke iu përgjigjur thirrjes së popullit për të ndërtuar një shoqëri që respekton dinjitetin njerëzor dhe afirmon krenarinë dhe synimet e qytetarëve të saj,Të zotuar për t’u përballur më trashëgiminë e dhembshme të së kaluarës së afërt në frymë të pajtimit dhe faljes,Të përkushtuar ndaj mbrojtjes, promovimit dhe respektimit të diversitetit të popullit tonë,Duke riafirmuar dëshirën tonë për t’u integruar plotësisht në familjen euroatlantike të demokracive,Duke vërejtur se Kosova është një rast special që del nga shpërbërja jokonsensuale e Jugosllavisë dhe nuk është presedan për cilëndo situatë tjetër,Duke rikujtuar vitet e konfliktit dhe dhunës në Kosovë që shqetësuan ndërgjegjen e të gjithë popujve të civilizuar,Mirënjohës që bota intervenoi më 1999 duke hequr në këtë mënyrë qeverisjen e Beogradit mbi Kosovën, dhe vendosur Kosovën nën administrimin e përkohshëm të Kombeve të Bashkuara,Krenarë që Kosova që atëherë ka zhvilluar institucione funksionale, multietnike të demokracisë që shprehin lirisht vullnetin e qytetarëve tanë,Duke rikujtuar vitet e negociatave të sponsorizuara ndërkombëtarisht ndërmjet Beogradit dhe Prishtinës mbi çështjen e statusit tonë të ardhshëm politik,Duke shprehur keqardhje që nuk u arrit asnjë rezultat i pranueshëm për të dyja palët përkundër angazhimit të mirëfilltë të udhëheqësve tanë,Duke konfirmuar se rekomandimet e të Dërguarit Special të Kombeve të Bashkuara, Martti Ahtisaari, i ofrojnë Kosovës një kornizë gjithëpërfshirëse për zhvillimin e saj të ardhshëm, dhe janë në vijë me standardet më të larta europiane për të drejtat të njeriut dhe qeverisjen e mirë, Të vendosur që ta shohim statusin tonë të zgjidhur në mënyrë që t’i jipet popullit tonë qartësi mbi të ardhmen e vet, të shkohet përtej konflikteve të së kaluarës dhe të realizohet potenciali i plotë demokratik i shoqërisë sonë,Duke nderuar të gjithë burrat dhe gratë që bënë sakrifica të mëdha për të ndërtuar një të ardhme më të mirë për Kosovën,1. Ne, udhëheqësit e popullit tonë, të zgjedhur në mënyrë demokratike, nëpërmjet kësaj Deklarate shpallim Kosovën shtet të pavarur dhe sovran. Kjo shpallje pasqyron vullnetin e popullit tonë dhe është në pajtueshmëri të plotë me rekomandimet e të Dërguarit Special të Kombeve të Bashkuara, Martti Ahtisaari, dhe Propozimin e tij Gjithëpërfshirës për Zgjidhjen e Statusit të Kosovës.2. Ne shpallim Kosovën një republikë demokratike, laike dhe multietnike, të udhëhequr nga parimet e jodiskriminimit dhe mbrojtes së barabartë sipas ligjit. Ne do të mbrojmë dhe promovojmë të drejtat e të gjitha komuniteteve në Kosovë dhe krijojmë kushtet e nevojshme për pjesëmarrjen e tyre efektive në proceset politike dhe vendimmarrëse.3. Ne pranojmë plotësisht obligimet për Kosovën të përmbajtura në Planin e Ahtisarit, dhe mirëpresim kornizën që ai propozon për të udhëhequr Kosovën në vitet në vijim. Ne do të zbatojmë plotësisht ato obligime, përfshirë miratimin prioritar të legjislacionit të përfshirë në Aneksin XII të tij, veçanërisht atë që mbron dhe promovon të drejtat e komuniteteve dhe pjesëtarëve të tyre.4. Ne do të miratojmë sa më shpejt që të jetë e mundshme një kushtetutë që mishëron zotimin tonë për të respektuar të drejtat e njeriut dhe liritë themelore të të gjithë qytetarëve tanë, posaçërisht ashtu siç definohen me Konventën Europiane për të Drejtat e Njeriut. Kushtetuta do të inkorporojë të gjitha parimet relevante të Planit të Ahtisaarit dhe do të miratohet nëpërmjet një procesi demokratik dhe të kujdesshëm.5. Ne mirëpresim mbështetjen e vazhdueshme të bashkësisë ndërkombëtare për zhvillimin tonë demokratik nëpërmjet të pranive ndërkombëtare të themeluara në Kosovë në bazë të Rezolutës 1244 të Këshillit të Sigurimit të Kombeve të Bashkuara (1999). Ne ftojmë dhe mirëpresim një prani ndërkombëtare civile për të mbikëqyrur zbatimin e Planit të Ahtisaarit dhe një mision të sundimit të ligjit të udhëhequr nga Bashkimi Europian. Ne, po ashtu, ftojmë dhe mirëpresim NATO-n që të mbajë rolin udhëheqës në praninë ndërkombëtare ushtarake dhe të zbatojë përgjegjësitë që i janë dhënë sipas Rezolutës 1244 të Këshillit të Sigurimit të Kombeve të Bashkuara (1999) dhe Planit të Ahtisaarit, deri në atë kohë kur institucionet e Kosovës do të jenë në gjendje të marrin këto përgjegjësi. Ne do të bashkëpunojmë plotësisht më këto prani në Kosovë për të siguruar paqen, prosperitetin dhe stabilitetin në të ardhmen në Kosovë.6. Për arsye të kulturës, gjeografisë dhe historisë, ne besojmë se e ardhmja jonë është në familjen europiane. Për këtë arsye, ne shpallim synimin tonë për të marrë të gjitha hapat e nevojshëm për të siguruar anëtarësim të plotë në Bashkimin Europian sapo që të jetë e mundshme dhe për të zbatuar reformat e kërkuara për integrim europian dhe euroatlantik.7. Ne i shprehim mirënjohje Organizatës së Kombeve të Bashkuara për punën që ka bërë për të na ndihmuar në rimëkëmbjen dhe rindërtimin pas lufte dhe ndërtimin e institucioneve të demokracisë. Ne jemi të përkushtuar të punojmë në mënyrë konstruktive me Organizatën e Kombeve të Bashkuara gjersa ajo vazhdon punën e saj në periudhën në vijim.8. Me pavarësinë vie detyra e anëtarësisë së përgjegjshme në bashkësinë ndërkombëtare. Ne e pranojmë plotësisht këtë detyrë dhe do t’i përmbahemi parimeve të Kartës së Kombeve të Bashkuara, Aktin Final të Helsinkit, akteve tjera të Organizatës për Siguri dhe Bashkëpunim në Europë, obligimeve ligjore ndërkombëtare dhe parimeve të marrëdhënieve të mira ndërkombëtare që shënojnë marrëdhëniet ndërmjet shteteve. Kosova do të ketë kufijtë e saj ndërkombëtarë ashtu siç janë paraparë në Aneksin VIII të Planit të Ahtisaarit, dhe do të respektojë plotësisht sovranitetin dhe integritetin territorial të të gjithë fqinjve tanë. Kosova, po ashtu, do të përmbahet nga kërcënimi apo përdorimi i forcës në cilëndo mënyrë që është jokonsistente me qëllimet e Kombeve të Bashkuara.9. Ne, nëpërmjet kësaj Deklarate, marrim obligimet ndërkombëtare të Kosovës, përfshirë ato të arritura në emrin tonë nga Misioni i Administratës së Përkohshme të Kombeve të Bashkuara në Kosovë (UNMIK), si dhe obligimet e traktateve dhe obligimet tjera të ish-Republikës Socialiste Federative të Jugosllavisë ndaj të cilave obligohemi si ish-pjesë konstituive, përfshirë konventat e Vjenës për marrëdhëniet diplomatike dhe konsullore. Ne do të bashkëpunojmë plotësisht me Tribunalin Penal Ndërkombëtar për ish-Jugosllavinë. Ne synojmë të kërkojmë anëtarësim në organizatat ndërkombëtare, në të cilat Kosova do të synojë të kontribuojë për qëllime të paqes dhe stabilitetit ndërkombëtar.10. Kosova shpall zotimin e saj ndaj paqes dhe stabilitetit në rajonin tonë të Europës Juglindore. Pavarësia jonë e sjell në fund procesin e shpërbërjes së dhunshme të Jugosllavisë. Gjersa ky proces ka qenë i dhembshëm, ne do të punojmë pa pushim për t’i kontribuar një pajtimi që do të lejonte Europën Juglindore të shkojë përtej konflikteve të së kaluarës dhe të farkojë lidhje të reja rajonale të bashkëpunimit. Për këtë arsye, do të punojmë së bashku me fqinjtë tanë për të avansuar të ardhmen tonë të përbashkët europiane.11. Ne shprehim, në veçanti, dëshirën tonë për të vendosur marrëdhënie të mira me të gjithë fqinjtë tanë, përfshirë Republikën e Serbisë, me të cilën kemi marrëdhënie historike, tregtare dhe shoqërore, të cilat synojmë t’i zhvillojmë më tej në të ardhmen e afërt. Ne do të vazhdojmë përpjekjet tona për t’i kontribuar marrëdhënieve të fqinjësisë dhe bashkëpunimit me Republikën e Serbisë duke promovuar pajtimin ndërmjet popujve tanë.12. Ne, nëpërmjet kësaj, afirmojmë në mënyrë të qartë, specifike dhe të parevokueshme se Kosova do të jetë ligjërisht e obliguar të plotësojë dispozitatat e përmbajtura në këtë Deklaratë, përshirë këtu veçanërisht obligimet e saj nga Plani i Ahtisaarit. Në të gjitha këto çështje, ne do të veprojmë në pajtueshmëri në parimet e së drejtës ndërkombëtare dhe rezolutat e Këshillit të Sigurimit të Kombeve të Bashkuara, përfshirë Rezolutën 1244 (1999). Ne shpallim publikisht se të gjitha shtetet kanë të drejtën të mbështeten në këtë Deklaratë, dhe i bëjmë apel të na ofrojnë përkrahjen dhe mbështetjen